Video/ Kthehet në ring në moshën 54 vjeçare legjenda Mike Tyson kundër Roy Jones Jr

Është mbyllur me barazim ndeshja e shumëpritur e boksit që pa rikthimin në ring të legjendës Mike Tyson. Në moshën 54-vjeçare “Iron Mike” sfidoi në ndeshjen e ekzibicionit një tjetër emër të madh në historinë e boksit, 51-vjeçarin Roy Jones Jr.

Pavarësisht moshës së dy sportistëve të tërhequr prej kohësh, nuk munguan goditjet e klasit. Edhe Mike Tyson, që u ngjit në ring me doreza të zeza në nder të dy miqve të tij që u ndanë nga jeta gjatë këtij viti Kobe Bryant dhe Diego Armando Maradona, rishfaqi disa prej karakteristikave që e bënin të pamposhtur gjatë rinisë së tij.

Por në fund, gjyqtarët vendosën që sfida e zhvilluar në “Staples Center” të Los Angeles të mbyllej në barazim me pikë.

Share With:
No Comments

Sorry, the comment form is closed at this time.