Vetëm 1 metër larg portës, por nuk arrin të shënojë. Werner humbet shansin (Video)
Chelsea arriti një fitore shumë të rëndësishme mbrëmjen e djeshme, kur të besuarit e Frank Lampard mposhtën në shtëpi me rezultatin 3-1 miqtë e Leeds United. Në fakt ishin këtë të fundit që kaluan të parët në avantazh, por në pjesën e dytë vendasit siguruan tre pikët e radhës në kampionat.
Ajo çka ra në sy në këtë sfidë është rasti i humbur nga Timo Werner. Sulmuesi gjerman humbi një rast të pabesueshëm vetëm një metër larg portës, kur rezultati ishte ende 0-1 për Leeds.
Në minutën e 9-të të takimit, Mount ekzekuton një goditje nga këndi dhe topi përfundon në këmbët e Werner, i cili e godet atë në traversë, duke mos e besuar as vetë mundësinë që shpërdoroi.
Gjithsesi, kjo mundësi e humbur nuk ndikoi në rezultat, pasi për fatin e mirë të Timos shokët e tij e kthyen rezultatin. Pas 11 ndeshjeve të para, Chelsea renditet në vendin e parë në Premier League me 22 pikë të grumbulluara.
Sorry, the comment form is closed at this time.