Skandal/ Ndërpritet takimi PSG – Basaksehir, arbitri fyen anëtarin e ekipit turk me fjalë raciste

Ndeshja PSG-Basakshehir, ka shënuar një skenë që nuk është parë kurrë në Ligën e Kampionëve. Pas një çerek ore lojë, ndeshja midis PSG dhe Basaksehir është ndërprerë dje në mbrëmje, pasi një anëtar i stafit teknik turk, ish-futbollisti i Kamerunit, Achille ëebo, tha se ishte fyer me fjalë raciste nga arbitrit i 4-t i ndeshjes.
Lojtarët e dy ekipeve u grupuan, duke kërkuar një shpjegim nga rumuni Sebastian Coltescu, arbitri i 4-të i ndeshjes. ëebo pretendonte se ishte ofenduar me fjalën “zezak” nga Coltescu.
Të inkurajuar nga Demba Ba, të gjithë lojtarët e skuadrës nga Stambolli morën vendimin të ktheheshin në dhomën e zhveshjes. Demba Ba është ndëshkuar me karton të kuq nga gjyqtari për sjellje antisportive. Futbollisti është përplasur me arbitrin e katërt të takimit duke i shprehur zemërimin për sjelljen skandaloze ndaj stafit teknik të Basaksehirit. Ndeshja mes këtyre dy ekipeve është vendosur të luhet sot në 18.55.