Mrekulli në Formula 1, Groszhan mbetet 30 sekonda mes flakëve dhe shpëton pa pasoja

Çmimi i Madh i Bahreinit në Formula 1 sot ka parë përsëri Luis Hemilton të triumfonte duke prerë i pari finishin. Por kjo nuk ishte ajo që tërhoqi vëmendjen në këtë garë, pasi në Bahrein ndodhi një mrekuulli e vërtetë. Romen Groszhan ka shpëtuar mirë pas një aksidenti të frikshëm që pa makinën e tij të shpërthente në flakë pasi u ça në gjysëm.

Që në xhiron e parë, ai pati një kontakt me një makinë tjetër dhe u përplas me barrierën. Makina u nda në mes dhe shpërtheu në flakë. Për fat të mirë, makina e sigurisë që ndiqte nisjen, ndërhyri me shpejtësi dhe bashkë me komisarët e pistës nisën shpejt shuarjen e zjarrit.

Groszhan qëndroi për rreth 30 sekonda mes flakëve dhe pastaj arriti të dilte nga njëvendshja e tij. Ai u dërgua në spital për kontrolle të mëtejshme, por fatmirëisht nuk ka vuajtur pasoja të rënda nga ky aksident. Sipas pjesëtarëve të skuadrës së tij, ai ka pësuar vetëm disa djegje të vogla në kyçet e duarve dhe këmbëve, ndërsa kishte tronditje normale për aksidente të këtyre përmasave.