Kumbulla në stol, Roma fiton minimalisht ndaj Torinos

Roma duket se ka rigjetur formën e mëparshme pozitive në Serinë A. Verdhekuqtë ku kësaj radhe me Marash Kumbullën në stol arritën një fitore tjetër, të dytën radhazi që i mban ata në lojë për një vend mes 4 më të mirëve.

Skuadra e Mourinhos luajti ndaj Torinos në “Olimpico” ku mori një sukses me shumë vuajtje 1-0 falë golit të bomberit Abraham.

Pjesa e parë ishte më e mirë për vendasit që arritën të gjenin dhe golin me sulmuesin anglez në 32’ e pak minuta më vonë VAR i mohoi edhe një penallti.

Pjesa e dytë ishte shumë më e mirë për Torinon që bëri më mirë se verdhekuqtë dhe iu afrua shumë golit që në fakt nuk erdhi për meritë të Romës që u mbrojt më mirë.

Me këtë sukses, Roma kalon në vend të pestë në renditje me 25 pikë dhe është 3 pikë larg Atalantës.
Kumbulla arriti të shijojë momentet në fushë vetëm një minutë para përfundimit të lojës, pasi akoma ai nuk ka rritur të fitojë besimin e Mourinhos.

Share With:
Tags
No Comments

Sorry, the comment form is closed at this time.