Kërkohet nga Chelsea, Interi i vendos çmim Dumfries

Denzel Dumfries kërkohet me ngulm nga Chelsea, me blutë që i kanë ofruar 25 milionë euro plus bonuse.

Një shifër kjo që është refuzuar nga zikaltrit, të cilët kërkojnë të përfitojnë nga shërbimet e mbrojtësit, teksa nuk heqin dorë nga 50 milionë euro.

Klubi italian e transferoi holandezin para një viti nga PSV Eindhoven për 13.7 milionë euro, ndërsa falë sezonit të mirë çmimi i tij është trefishuar.

Ai realizoi pesë gola dhe dhuroi pesë asistime në 33 paraqitje në Serie A dhe është futbollist i rregullt në ekipin e Holandës.

Mediat raportojnë se çmimi më i ulët për 26-vjeçarin është 40 milionë euro, mirëpo “La Gazzetta dello Sport” njofton se Simone Inzaghi nuk do t’i marrë parasysh ofertat nën 50 milionë euro.

Share With:
No Comments

Sorry, the comment form is closed at this time.