Ish-futbollisti i Fenerbahçes vret një person dhe plagos 4 të tjerë

Një ngjarje e rëndë ka ndodhur në Turqi, teksa ish-futbollist Sezer Ozturk, ka kryer një vrasje në gjakftohtësi të plotë si dhe ka plagosur katër persona të tjerë.

Ozturk që ka luajtur futboll profesionist me klube si Bayer Leverkusen, Nurenberg, Fenerbahçe dhe Besiktas, akuzohet se ka qëlluar disa herë dhe ka vrarë një 24-vjeçar.

Mediat turke sqarojnë se gjithçka ndodhi për afërsi të një rruge.

Sipas dëshmitarëve, gjithçka ndodhi në pak minuta. Ish-lojtari dhe viktima u grindën disa minuta me fjalë dhe më pas filluan të shtënat.

Halim Ibrahim, baba i dy fëmijëve, është viktima që ndërroi jetë nga plumbat, ndërsa babai, vëllai dhe dy shokë të tij u shtruan në spital.

Autori është arratisur dhe është në kërkim nga policia, ndërsa shoku i tij dyshohet se është vet dorëzuar në polici.

Pas incidentit, zyra e Kryeprokurorit Publik të Anadollit njoftoi se për të ishte lëshuar një urdhër arresti me akuzën e ‘vrasjes me dashje’.

Share With:
No Comments

Sorry, the comment form is closed at this time.