Carabao Cup/ Kualifikohen Liverpool, Chelsea dhe Tottenham

Pika e bardhë shpërblen “The Reds” pas 3-3 në kohën e rregullt me Leicester. Buzëqeshen edhe “blutë” dhe Spurs, të cilët eliminojnë Brentford dhe West Ham.

Liverpoolit iu deshën penalltitë për të shkuar në gjysmëfinalet e Carabao Cup dhe për të eliminuar Leicesterin. “The Reds” humbisnin 1-3 (Vardy (2) dhe goli i Maddison), por gjejnë 3-3 me Jota (68′) dhe Minamino (95′) dhe triumfojnë nga njëmbëdhjetë metra. Nuk gabojnë as Tottenhami dhe Chelsea: Conte mposht West Hamin 2-1 me Bergwijn dhe Lucas, ndërsa autogoli i Jansson dhe penalltia e Jorginhos mjaftojnë që “blutë” e Londrës të fitojnë 2-0 në Brentford.

Liverpool nuk vdes kurrë: “The Reds” nga 3-1 që ishin deri në minutën e 67-të, barazuan 3-3 dhe më pas e mundën Leicesterin me penallti, duke kaluar në gjysmëfinalen e “Carabao Cup”. Në “Anfield”, Leicester kaloi në epërsi në 9′: Maddison shërben në vertikale Vardy, i cili me një diagonale të fuqishme mund Kelleher. Pas vetëm katër minuta dhe erdhi dyfishimi: Williams gaboi dhe Vardy shënon në minutën e 13-të. Megjithatë, gjashtë minuta më vonë, djemtë e Klopp ngushtojnë diferencën me anën e Firminos. Gjithçka duket e kotë: në të 33′, Maddison i çon shifrat në 3-1 të skuadrës së Rodgers. Vendësit i japin vetes shpresë me golin e Jotës (68′) dhe në minutën e 95-të vjen 3-3 me Minaminos, i cili firmos barazimin në frymën e fundit. Te penalltitë: pas gabimeve të Thomas dhe Bertrand (të hipnotizuar nga Kelleher) për “dhelprat” dhe të Minamino për “The Reds”, Jota shënon penalltinë vendimtare dhe që dërgon Liverpoolin në gjysmëfinale.