PANDEMIA/ 16 humbje jete dhe 840 raste të reja në 24 orët e fundit. MSH: Si paraqitet situata

Ministria e Shëndetësisë informoi se, në 24 orët e fundit kanë ndërruar jetë për shkak të koronavirusit, 16 persona, ndërsa janë kryer gjithsej 2374 testime, 331 persona janë shëruar, si dhe janë raportuar 840 raste të reja me COVID-19.

Përmes një njoftimi për mediat, Ministria e Shëndetësisë u bërin apel qytetarëve të mos e ulin vigjilencën për respektimin e rregullave dhe të shmangin daljet e panevojshme, për të ndihmuar në ndërprerjen e zinxhirit të infeksionit dhe për të ulur numrin e të prekurve nga virusi SARS-COV2.

Situata në 24 orët e fundit paraqitet si vijon:

Janë kryer 2.374 testime në 24 orët e fundit, prej të cilave 311 testime janë kryer për arsye depistimi.

Në 24 orët e fundit kanë rezultuar pozitivë 840 qytetarë. Rastet pozitive të konfirmuara janë identifikuar në këto bashki:

345 raste në Tiranë, 75 raste në Shkodër, 52 raste në Fier, 47 raste në Berat, 42 raste në Vlorë, 33 raste në Kavajë, 24 raste në Gjirokastër, 23 raste në Lushnje, 22 raste në Pogradec, 19 raste në Lezhë, 18 raste në Krujë, 17 raste në Korçë, 15 raste në Kolonjë, 14 raste në Mirditë, 11 raste në Kuçovë dhe Skrapar, 10 raste në Mat, 9 taste në Gramsh, 8 raste në Kukës, 7 raste në Sarandë, Malësi e Madhe, Peqin, 6 raste në Tepelenë,  5 raste në Librazhd, 4 raste në Devoll, 3 raste në Durrës, 2 raste në Mallakastër, 1 rast në Bulqizë, Tropojë, Has, Elbasan.

Gjithashtu, në 24 orët e fundit janë shëruar 331 qytetarë, duke e çuar numrin e të shëruarve 21.617 që nga fillimi i epidemisë.

Aktualisht, në 4 spitalet COVID, po trajtohen 479 pacientë, 35 në terapi intensive, 9 pacientë janë të intubuar.

Me gjithë përpjekjet e mjekëve, në 24 orët e fundit, kanë humbur jetën 16 qytetarë me SARS-COV2 pozitiv në spitalet COVID: 5 qytetarë nga Tirana, 2 qytetarë nga Vlora, po 2 nga Pogradeci, Fieri e Berati, 1 qytetar nga Saranda, 1 nga Gramshi dhe 1 nga Lushnja, të moshave nga 51-86 vjeç.

Ministria e Shëndetësisë dhe Mbrojtjes Sociale u kërkon qytetarëve të mos neglizhojnë kontaktin me mjekun e familjes, për çdo shenjë të sëmundjes. Nëpërmjet linjës së gjelbër falas 0800 40 40 mund të lidhen me mjekun e familjes dhe të marrin informacionin e nevojshëm edhe për rimbursimin e barnave për COVID19.

Urgjenca Kombëtare është në shërbim 24 orë në 7 ditë të javës në shërbim, ndaj qytetarët janë të lutur të telefonojnë 127-n, nëse dyshojnë se janë prekur nga COVID-19.

COVID-19 – Statistika (6 dhjetor 2020)

Raste të reja ditore         840

Të shëruar në 24 orë      331

Të shtruar në spitale      479

Humbje jete në 24 orë   16

Testime ditore              2.374

Testime totale           204.008

Raste pozitive            42.988

Raste të shëruara     21.617

Raste Aktive             20.466

Humbje jete              905

Shpërndarja gjeografike e rasteve aktive, sipas qarqeve:

Tiranë 10946

Durrës  1356

Elbasan  860

Fier  1562

Korçë  1135

Vlorë  1045

Shkodër  919

Lezhë  739

Berat  720

Kukës  428

Dibër  249

Gjirokastër  507