Pandemia/ Tre viktima, po trajtohen 35 pacientë

Në 24 orët e fundit, në Shqipëri janë shënuar 3 viktima nga koronavirusi, ndërsa numri i të i infektuarve, sipas Ministrisë së Shëndetësisë, ka rënë në 278, por ka patur vetëm 645 testime.

Ministria e Shëndetësisë njofton se, aktualisht në spitalin COVID3 po marrin trajtim 35 pacientë, ndërsa në të gjithë vendin janë 7539 qytetarë aktivë me koronavirus.

Nisur nga rritja e numrit të qytetarëve të prekur nga Covid-19, Ministria e Shëndetësisë u bën sërish thirrje qytetarëve të mos neglizhojnë vaksinimin, posaçërisht në këtë periudhë të rritjes së kontakteve, për shkak të lëvizjeve përgjatë sezonit veror.

Çdo person mbi 12 vjeç mund të vaksinohet në qendrat shëndetësore në të gjithë vendin.

Gjithashtu, ministria apelon të gjithë qytetarët e vaksinuar të drejtohen në qendrat shëndetësore, për t’u vaksinuar me dozën përforcuese.

Vaksinat anti-Covid, sipas saj, reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Nëse keni shenja të sëmundjes apo keni patur kontakt me një person të prekur nga Covid-19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.

Situata në 24 orët e fundit:

Janë kryer 645 testime, nga të cilat kanë rezultuar pozitivë 278 qytetarë.

Aktualisht, janë 7539 qytetarë aktivë me Covid-19 në gjithë vendin.

Në spitalin COVID3 po marrin trajtim 35 pacientë.

Në 24 orët e fundit ka tre humbje jete me Sars-Cov2: dy qytetarë nga Tirana të moshave 66-75 vjeç, një qytetare nga Fieri 80 vjeçe

Janë shëruar 975 qytetarë gjatë 24 orëve të fundit, duke e çuar numrin e të shëruarve në 301,288 që nga fillimi i epidemisë.

Statistika – 1 gusht 2022

Raste të reja ditore            278

Të shëruar në 24 orë          975

Të shtruar në spitale            35

Humbje jete në 24 orë           3

Testime ditore                     645

Testime totale               1,918,822

Raste pozitive                  312,375

Raste të shëruara              301,288

Raste Aktive                        7,539

Humbje jete                         3,548

Shpërndarja gjeografike e rasteve aktive sipas qarqeve

Tiranë                3,952

Fier                                               625

Durrës                        573

Vlorë                             454

Elbasan                                393

Korçë                               331

Shkodër                                              327

Berat                                                251

Gjirokastër                                          238

Lezhë                               219

Dibër                                114

Kukës                                 62