Krisje në PD/ Sekretarja e re e Bashës: PD duhet të distancohet nga Berisha

Sekretarja e re në Partinë Demokratike për të përndjekurit politikë në Partinë Demokratike, Jonila Godole deklaron se kjo parti duhet të distancohet nga Berisha, njësoj si CDU-ja gjermane nga ish-kancelari Helmut Kohl.

Lidhur me vendimin e ish-kryeministrit Sali Berisha për të qenë në parlament, ndonëse është shpallur ‘non grata’ nga SHBA, Godole tha se vendimi i Berishës është vendim personal i tij dhe se çdo forcë politike tregon pjekurinë e vet pikërisht në këto lloj momentesh të rëndësishme.

“Kjo do ta çojë PD përpara ose jo, këto janë kosto që do t’i mbajnë ata. Unë kam thënë që bota ka treguar që dhe personalitete të mëdha, të cilët kanë qenë absolutisht të rëndësishëm për gjithë Evropën, ku kam sjellë në vëmendje rastin e ish-kancelarit gjreman Helmut Kohl, në një moment të caktuar partisë i është dashur të marrë një vendim, që të ndahej prej tij, por duke respektuar kontributin e tij deri në fund. Këto janë vendime që i marrin partitë vetë.

Këto janë modele që unë i kam sugjeruar. Nëse mua do më pyesin sot nga brenda PD, patjetër që do ta sugjeroj këtë dhe do flas hapur. Por kjo është pjesë e PD, duhet të tregojë se është vërtet një parti që e meriton të vijë në pushtet. Unë shpresoj shumë që PD të bëjë zgjidhjen e tyre. Sa i përket kauzës së të përndjekurve politikë, për fat të keq nuk ka një forcë tjetër politike këtu, përveç PD, që të jetë shprehur hapur dhe qartë se ai regjim ka qenë kriminal. Ai regjim ka qenë kriminal. Unë do mundohem që në pak vite të arrijmë të kemi një lloj paqeje, të kemi një transparencë të plotë për krimet e komunizmit dhe një kërkim faljeje reale”., tha Godole.

Share With:
No Comments

Sorry, the comment form is closed at this time.