Rama: Nuk hyra në PD, e kishin zënë rradhën komunistët me Saliun në krye

Gjatë intervistës së tij për Politik On në RTV Ora, kryeministri Edi Rama foli edhe për lëvizjen studentore të vitit ’90 dhe pse nuk u anëtarësua në Partinë Demokratike.
Sipas Ramës, zgjodhi të ishte në PS pasi në PD e kishin zënë rradhën komunistët.

Edi Rama: “Kishin anonçuar Partinë Demokratike dhe nuk e harron atë skenë. Saliu ishte në këmbë atje, me atë pardesynë si ato të valleve të shpatave. Dhe mbante një fjalim për huliganët e Shkodrës. Sepse disa të rinj në Shkodër kishin thyer xhamat e dyqaneve në Shkodër. Ky mbajti një fjalim për huliganët. Në fakt nuk ishte fjalim, ishte teksti që do nxirrte partia e sapoformuar për të mbajtur një fjalim për huliganët dhe ishte e njëjta gjuhë si e Ramiz Alisë. Dhe unë i thashë: Më falni, ku jam unë këtu?! Ku jam këtu se s’po e kuptoj, çfarë është kjo? Si mund ti quani huliganë siç i quan Ramiz Alia?!.
Alfred Lela: Ikët nga konteksti i Ramiz Alisë dhe shkuat në partinë e Ramiz Alisë… në 2000-në…

Edi Rama: Po natyrisht. Se, e para nuk ishte ajo që kishte lënë Ramizi dhe e dyta, në partinë ku më takonte të isha e kishte zënë rrugën një rradhë e gjatë komunistash me Saliun në krye.