Pasaportë shqiptare për Ana Oxa, Rama: Skënderbeu më tha në ëndërr se…

Kryeministri Edi Rama i ka dorëzuar pasaportën shqiptare këngëtares Ana Oxa, me origjinë shqiptare, por e lindur dhe rritur në Itali.

Së bashku me moderatorin Ardit Gjebrea kanë vizituar kalanë e Krujës, ndërsa “papritur” është shfaqur kryeministri Rama.

“Morëm vesh që ishit këtu dhe Skënderbeu më dërgoi një mesazh. Teksa flija sonte, në ëndërr më doli dhe më tha: Është Ana Hoxha në kështjellën time. Duhet të shkosh dhe të konfirmosh që ajo bën pjesë në ushtrinë e madhe të shqiptarëve që nuk heqin dorë kurrë”, i tha Rama, ndërsa më pas nxori nga xhepi pasaportën shqiptare për Ana Oxa-n (Hoxha).

Ai shtoi: “Tashmë jeni zyrtarisht shqiptare, e dërguara e Skënderbeut në tokën përtej detit”.

Share With:
No Comments

Sorry, the comment form is closed at this time.