Bllokimi i integrimit, eurokomisioneri: I zhgënjyer që nuk mundëm të bënim përpara me Shqipërinë

Komisioneri për Zgjerimin e Bashkimit Evropian, Oliver Varhelyi ka mbetur i zhgënjyer nga fakti që nuk u hapën negociatat për Shqipërinë dhe Maqedoninë e Veriut.

Varhelyi shkruan se BE-ja duhet të çajë bllokadën për të bërë të mundur që këto shtete të ecin përpara në procesin e integrimit.

“I zhgënjyer që nuk mundëm të lëviznim përpara me negociatat me Maqedoninë e Veriut dhe Shqipërisë, por unë shpresoj që në një periudhë të shkurtër kohore të mund të jemi në gjendje. Ne na duhet të thyejmë bllokimin shpejt. Kjo është shumë e rëndësishme për Ballkanin Perëndimor dhe për Evropën. Me rishikimin e metodologjisë për Ekonominë dhe planin e Investimeve, ne kemi një dritare unike për të mundur të lëvizim rajonin përpara dhe për të dhënë rezultate të prekshme. Ne do vijojmë të punojmë për këtë qëllim”, është shprehur Varhelyi.