Balla: Objektet shtetërore nuk janë sulmuar kurrë, vandalizëm i politikanëve të së keqes

Kreu i grupit parlamentar të PS-së, Taulant Balla, në një prononcim për mediat nga Elbasani ka dënuar aktet e dhunës që po regjistrohen në vend, ndërsa sulmoi ashpër Presidentin Ilir Meta si dhe krerët e partive opozitare, që sipas tij, qëndrojnë pas këtyre sulmeve
“Në Shkodër sot organizimi është nga PD, në Korçë ishte nga PD dhe LSI. Dhuna po paguhet nga paratë e korrupsionit ende të pandëshkuar.
Këto akte dhune që skanë ndodhur kurrë në këto 30 vite, s’janë sulmuar kurrë në Shqipëri objekte shtetërore, pse duhet shkulur semafori, t’i vësh flakën kazanëve apo të sulmosh dhe seli partie, ndërkohë që s’ka ndodhur kurrë.
E kemi thënë, sa më shumë do vijnë dhimbjet e forta nga goditja e SPAK aq më shumë do rritet vandalizmi i politikanëve të së keqes në Shqipëri, policia po mbron pronën publike, institucionet”.

Balla kishte dhe një thirrje për protestuesit, që janë ngritur në këmbrë prej katër ditësh pas vrasjes së Klodian Rashës nga një efektiv policie.
“U bëj thirrje çdo qytetari shqiptar, të kuptojë që tashme nuk janë protesta qytetare, sepse protestat qytetare u vodhën e grabitën nga opozita e Berishës dhe Metës dhe tani kemi të bëjmë me huliganizëm e vandalizëm, jeni dëshmitarë që pati përpjekje mbrëmë dhe këtu në Elbasan ku PD ishte organizatore. Unë besoj që s’ka më PD në Elbasan”.

Share With:
No Comments

Sorry, the comment form is closed at this time.