A je gati për zgjedhje? Voltana Ademi: Të presim 2 nëntorin

Kryetarja e bashkisë së Shkodrës Voltana Ademi e pyetur sot nga mediat nëse është gati për zgjedhjet, dha një përgjigje diplomatike.

Ademi tha se duhet të presim vendimin e Gjykatës Kushtetuese.

“Do duhet të presim vendimin e 2 nëntorit”, tha Ademi.

Gjykata Kushtetuese riktheu për shqyrtim çështjen e zgjedhjeve vendore të 30 qershorit dhe seanca do të zhvillohet më 2 nëntor në orën 10:00.

Çështja ishte pezulluar në pritje të përgjigjes nga Komisioni i Venecias. Shoqata e Bashkive i është drejtuar me një padi Gjykatës Kushtetuese përmes së cilës kërkon ripërsëritjen e zgjedhjeve të 30 qershorit.

Në përcaktimin e seancës që rikthen çështjen për shqyrtim, Kushtetuesja argumenton se është konstatuar se ka rënë shkaku i pezullimit të procesit, kjo për faktin se Komisioni i Venecias iu përgjigj pyetjeve të gjykatës.

Share With:
No Comments

Sorry, the comment form is closed at this time.