Si ta parandaloni kapsllëkun

Kapsllëku është një problem që mund të ndodhë për një sërë arsyesh dhe shumë njerëz e përjetojnë gjatë udhëtimit.

Duke qenë se vera është koha për pushime vjetore, më poshtë kemi zgjedhur këshilla që mund t’ju ndihmojnë të shmangni problemet me kapsllëkun:

1) Sa më shumë që të jetë e mundur, përpiquni t’i përmbaheni rutinës tuaj të zakonshme kur bëhet fjalë për të ngrënë dhe për të fjetur. Hani sa më shumë vakte të jetë e mundur në kohën që i hani ato normalisht dhe shkoni në shtrat në kohën tuaj të zakonshme sa më shpesh të jetë e mundur.

2) Përpiquni të reduktoni marrjen e kafeinës dhe mos e teproni me alkoolin, pasi të dyja mund t’ju dehidratojnë dhe rrisin rrezikun e kapsllëkut.

3) Shmangni ushqimet ose pijet që mund të çojnë në uljen e aktivitetit të zorrëve. Kjo do të thotë se do të ishte mirë të shmangeshin, për shembull, produktet e mishit dhe djathi.

4) Përdorni ushqime që përmbajnë probiotikë për të nxitur rritjen e baktereve të shëndetshme për lëvizje të rregullta dhe të shëndetshme të zorrëve. Ju mund të filloni ta bëni këtë edhe para udhëtimit dhe kështu të veproni në kohë.

5) Kini kujdes me ushqimet e reja në vendet ku udhëtoni. Vende të ndryshme kanë përbërës dhe metoda të ndryshme gatimi që mund të ndikojnë në zorrët tuaja në mënyra të papritura.

6) Mundohuni të qëndroni aktiv në udhëtim. Mundohuni të keni të paktën 20 minuta aktivitet në ditë ose rreth 150 minuta në javë. Nëse i kaloni pushimet tuaja në det, kjo duhet të jetë një detyrë shumë e thjeshtë – të notoni.

7) Sapo të ndjeni nevojën, shkoni në tualet. Sa më gjatë të qëndrojë jashtëqitja në zorrën e trashë, aq më shumë ka gjasa që të bëhet e thatë dhe e fortë. Ndoshta të shkosh në një tualet publik ose në ndonjë tualet tjetër që nuk është në shtëpinë tuaj është e pakëndshme për ju, por injorimi i dëshirës do t’ju shkaktojë probleme, andaj përpiquni të bëheni një person që shkon në tualet kur duhet. Trupi juaj do t’ju falënderojë shumë.

8) Hani fibra. Ne e dimë se ushqimi i shëndetshëm mund të jetë një sfidë kur udhëtoni dhe se është e lehtë të zëvendësohen drithërat me pasta. Por është mungesa e fibrave ajo që shpesh shkakton kapsllëk, pavarësisht nëse jeni me pushime apo jo. Prandaj përpiquni të përfshini frutat dhe perimet në dietën tuaj të festave çdo ditë.

9) Pini shumë lëngje. Pirja e ujit do të ndihmojë që jashtëqitja juaj të jetë më e butë. Pirja e mjaftueshëm e lëngjeve do të parandalojë gjithashtu dehidratimin, i cili mund të shkaktojë kapsllëk. Mbani gjithmonë me vete një shishe me ujë dhe mbajeni të mbushur.

10) Nëse i përkisni grupit të njerëzve që shkojnë në tualet në një orë të caktuar të ditës, bëni gjithçka që mundeni që një pjesë e rutinës të mos ndryshojë gjatë pushimeve vjetore.

Share With:
No Comments

Sorry, the comment form is closed at this time.