“Sarajet”/ Veliaj akuzon Nishanin: Loboi tek unë për të ndërtuar kulla

Disa bashkëpronarë janë porositësit e zjarrit te “Sarajet e Toptanëve”, i shpallur Monument Kulture, ku kryebashkiaku i Tiranës, Erion Veliaj drejtoi gishtin edhe te ish-Presidenti Bujar Nishani, gruaja e të cilit është një nga bashkëpronaret.

Ndonëse nuk ka përmendur emër konkret, por duke iu referuar “si ish-Presidenti që qau për lodrat te Liqeni”, duke lënë të nënkuptuar Bujar Nishanin, Veliaj tha se ka lobuar te ai për të ndërtuar kulla në truallin ku është ndërtuar godina e Sarajeve.

‘Shikoni cili president i Republikës vrapon menjëherë te këndi i lojërave dhe te teatri, dhe nuk reagon për djegien e një monumenti kulture, shikoni dokumentet e hipotekave dhe do e kuptoni. Kanë provuar lobim dhe te unë dhe funksionarë të qeverisë, aty ku janë pronarë nuk e kanë problem të lobojnë që të ndërtojnë kulla, të djegin muze, dyfytyrësia e tyre më shqetësojnë, kanë problem kur ndërtohet vetëm në Tiranë kur ndërton tjetri”, tha Veliaj.

Sipas tij, zjarrvënie ndodhi mbrëmë në darkë, pasi sot shënohet dhe afati i fundit i procedurës së shpronësimit për këtë godinë dhe me këtë akt, për kryebashkiakun porositësit politikanë, e bën me shpresën se mund të pengonin shpalljen e sarajeve muze dhe përdorimin e truallit për ndërtim.

“Ne e kemi filluar procesin e shpronësimit që në janar të 2021 dhe jemi në muajin e 8 dhe ky proces zgjat 1-2 vite. Ajo që përkonte sot në të gdhirë ishte afati i procedurës finale të shpronësimit, ku botohet siç ishte botuar sot shpallja për shpronësim dhe duke qene se kjo ishte dita e fundit është menduar nga keqbërësit që të provonin fatin ose fatkeqësinë e tyre duke djegur ndërtesën. Është një skemë e njohur nga keqbërësit në tiranë. Më vjen keq ta them por edhe në rrethet private të bashkëpunëtore e kam pasur një nuhatje për të penguar procesin e shpronësimit. Kama pasur një ndjesi që diçka e çuditshme do të bëhej’, tha Veliaj.

Share With:
No Comments

Sorry, the comment form is closed at this time.