Ambasadorja Kim takon prokurorin e SPAK dhe zbulon arsyen

Ambasadorja amerikane në Tiranë është takuar sot me prokurorin e SPAK, Altin Dumanin, në detyrën e shefit të Seksionit të Krimit të Organizuar.

Lajmin e ka bërë me dije Yuri Kim, përmes një postimi në rrjetet sociale.

Kryediplomatja amerikane thekson se i ka shprehur prokurorit vlerësimet për punën që është bërë dhe nënvizon se SPAK do të japë më shumë rezultate.

Sipas ambasadores, askush nuk është mbi ligjin.

“Takova sot Altin Dumanin, shefin e Seksionit të Krimit të Organizuar të SPAK, për të shprehur vlerësimin për ndjekjet e shumta që kanë rezultuar me burgim dhe konfiskim të pasurisë. SPAK do të japë edhe më shumë rezultate që tregojnë se askush nuk është mbi ligjin”, shkruan Kim.