DASH përgjigjet për herë të parë për shpalljen “non-grata” të Sali Berishës

Pas letrës që Kongresmeni merikan Lee Zeldin dërgoi në qershor të këtij viti drejt sekretarit amerikan të shtetit, Anthony Blinken ku e pyeste lidhur me shpalljen “non-grata” të ish kryeministrit Sali Berisha ka ardhur edhe përgjigjia nga Departamenti Amerikan i Shtetit.

Në përgjigjien e bërë thuhet se përfundimisht ky veprim ishte marrë pasi sipas DASH, Berisha ishte përfshirë në korrupsion gjatë kohës që kishte qënë kryeministër i Shqipërisë duke shfrytëzuar postin e tij. Ndërsa sa i përket fakteve lidhur me këtë çështje thuhej se ekzistonin raporte ndërkombëtare dhe në mediat kombëtare dhe ato ndërkombëtare që e vërtetonin këtë përfshirje.

Përgjigjja e DASH për kongresmenin Lee Zeldin

Për sa i përket emërtimit publik të z.Berisha, Departamenti mund të konfirmojë që ka ndjekur procedurat e duhura për të vendosur se ai ka qenë i përfshirë në korrupsion domethënës në kohën që ishte zyrtar publik. Kjo përfshin një rishikim të detajuar nga të gjitha palët e interesuara të politikave të Departamentit duke përfshirë edhe zyrën rajonale, si edhe rishikimin nga Zyra e Këshilltarit Ligjor të Departamentit.

Për sa i përket arsyes për emërtimin, përfshirja e z. Berisha në vepra korrupsioni domethënës gjatë kohës që ai ka qenë në postin e Kryeministrit të Shqipërisë, duke përfshirë keqpërdorimin e fondeve publike dhe përfshirjen në procesin publik, përdorimin e pushtetit për përfitimet personale dhe për të fuqizuar ekonomikisht bashkëpunëtorët e tij politikë si edhe anëtarët e familjes së tij, në kurriz të mbështetjes së popullit shqiptar në institucionet qeveritare dhe zyrtarët përkatës.

Për më tepër, Sekretari theksoi, deklaratat retorike të z.Berisha tregojnë që ai është i gatshëm të mbrojë veten e tij, familjen e tij dhe aleatët politikë në kurriz të hetimeve private, përpjekjeve për anti-korrupsion dhe masat llogaridhënëse.

Siç mund ta dini dhe ju, disa nga aktivitetet specifike të korrupsionit të z.Berisha janë publikuar gjerësisht në mediat vendase shqiptare si edhe ato ndërkombëtare, si edhe në burimet mediatike investigative të besueshme.

Share With:
No Comments

Sorry, the comment form is closed at this time.