Vrasja shokuese/ A u ndihmua vrasësi nga dikush tjetër?

Babis Anagnostopulos nuk është ndihmuar nga asnjë person tjetër për skemën e organizuar prej tij pas vrasjes së gruas 20-vjeçare.

Në këtë përfundim ka dalë policia pas hetimit për ngjarjen e rëndë që ka shokuar opinionin publik grek.

Zëdhënësja i Policisë, Anna Efthimiou, foli për ANT1 për rrjedhën e hetimeve dhe kontaktet që policia kishte me 33-vjeçarin, që nga momenti i parë i telefonatës në veprimin e menjëhershëm në 11 maj, deri në rrëfimin e tij për vrasjen e Caroline në shtëpinë e tyre, në Glyka Nera.

Përfaqësuesja e Policisë, duke iu përgjigjur një pyetje përkatëse, tha se hetimi ka përfunduar dhe nuk zbuloi përfshirjen e një personi tjetër në kryerjen e krimit në Glyka Nera, pra nuk kishte prova që dikush e ndihmoi 33-vjeçarin në krimin e rëndë.

Ajo shtoi, megjithatë, se hetimi tani është nën përgjegjësinë e autoriteteve të tjera dhe po vazhdon, duke lënë të hapur mundësinë e gjetjeve të reja në të ardhmen.

Share With:
No Comments

Sorry, the comment form is closed at this time.