Tronditet sërish Kosova, përdhunohet e mitura

Pas rastit të dhunimit të 11-vjeçares në Prishtinë që tronditi vendin, janë raportuar edhe disa raste të sulmeve seksuale.

Një ngjarje e tillë dyshohet se ka ndodhur mbrëmë, pas orës 23:00 në rrugën “Sylejman Vokshi” në Prishtinë, ku viktimë është një e mitur.

Bëhet fjalë për një 16-vjeçare, e cila ka raportuar në polici se është sulmuar seksualisht nga i dashuri i saj, 18-vjeçar, me të cilin kishin krijuar lidhje që nga viti i kaluar.

Përveç sulmit seksual, i riu po hetohet edhe për veprën penale “shtrëngim”, që dyshohet ta ketë kryer gjatë periudhës sa ka qenë në lidhje dashurie me të miturën.

Si rezultat i denoncimit, policia ka arrestuar të dyshuarin, i cili është shoqëruar në stacion policor, ku ka dhënë deklaratat e tij për këtë rast.

Ndaj tij, Prokurori i Shtetit ka urdhëruar ndalimin prej 48 orësh dhe dorëzimin e kallëzimit penal brenda afatit ligjor.

Share With:
No Comments

Sorry, the comment form is closed at this time.