Ulqin/ I mituri nga Prizreni mbytet në plazh

Një djalë 12-vjeçar nga Prizreni është mbytur të mërkurën në plazhin e Velikës në Ulqin, raporton “Vijesti”.

Ngjarja ka ndodhur disa ditë më parë, por është publikuar sot nga mediat e Malit të Zi.

Pas mbërritjes në vendngjarje, ekipi mjekësor i urgjencës ka tentuar reanimimin, por pa rezultat.

Rasti i është referuar Prokurorisë së Lartë të Shtetit në Podgoricë, e cila ka urdhëruar kryerjen e autopsisë.

Nga autopsia rezultoi se i mitur ishte mbytur.

Sipas “Vijesti”, djali ndodhej në plazh me vëllain e tij, i cili nuk e kishte vënë re se ai po mbytej.

Ai është nxjerrë në breg nga një turist nga Kosova, i cili ka vënë re se fëmija po pluskonte në cekëtinë.

Ekipet e shpëtimit kanë tentuar edhe reanimacionin para mbërritjes së ambulancës, por pa sukses.