Mjeti humb kontrollin dhe përplaset me bordurën tek “Uji i Ftohtë”, plagoset i riu

Një aksident automobilistik ka ndodhur pak minuta më parë në zonën e “Ujit të Ftohtë” në Vlorë.

Një mjet tip “Ford”, me targë AA 952 XV, ka humbur kontrollin si pasojë e shpejtësisë së madhe dhe ka goditur barrierat e rrugës, në një pjesë ku po kryen punime.

Në automjet ndodheshin dy persona, ndërsa i plagosur ka mbetur pasagjeri.

Drejtuesi është shoqëruar në polici për tu marrë në pyetje.

Blutë e Vlorës kanë nisur hetimin për të zbardhur shkaqet e këtij aksidenti, ndërsa në vendngjarje mbërriti dhe shërbimi zjarrfikës.