Lezhë, ekzekutohet me armë zjarri polici i FNSH-së (EMRI)

Një 26-vjeçar është ekzekutuar gjatë orëve të natës me armë zjarri. Mësohet se ai ishte pjesë e Forcave tê Ndêehyrjes së Shpejtê (FNSH).

Xhulio Prela është gjetur i pajetë brenda mjetit të tij, i qëlluar me një plumb në gjoks, në aksin rrugor Milot-Lezhë, në vendin e quajtur Gajush.

NJOFTIMI I POLICISE

Lezhë/Informacion paraprak

Më datë 05.12.2020, rreth orës 02:20, në Sallën Operative të DVP Lezhë ka ardhur një telefonatë se në aksin rrugor Milot-Lezhë, në Gajush, një automjet ka humb kontrollin dhe ka dalë nga rruga.

Menjëherë kanë shkuar shërbimet e Policisë ku kanë konstatuar në mjetin tip “Volkëagen” shtetasin Xh.P., 26 vjeç, punonjës Policie i FNSH Shkodër, i cili kishte humbur jetën.

Nga veprimet paraprake dyshohet ka humbur jetën nga përdorimi i armës së zjarrit.

Për zbardhjen e ngjarjes është ngritur një grup i pocaçëm hetimor me ekspertët më të mirë të Policisë Kriminale nga Departamenti i Policisë Kriminale dhe të DVP Lezhë, nën drejtimin e Prokurorisë ku vijon intensivisht puna për sqarimin e rrethanave të ngjarjes, me qëllim identifikimin dhe kapjen e autorëve.

Shërbimet e Drejtorisë Vendore të Policisë Lezhë, mbështetur nga FNSH Shkodër dhe forcat speciale RENEA, kanë ngritur pika kontrolli dhe po kontrollojnë zonën për shoqërimin e personave të dyshuar si autorë të ngjarjes apo që mund të kenë dijeni për ngjarjen.

Viktima Xhulio Prela
Share With:
No Comments

Sorry, the comment form is closed at this time.