I dënuar në Itali për trafik droge, kapet në Tiranë i shumëkërkuari

Policia e Tiranës ka arrestuar një person të shpallur në kërkim ndërkombëtar nga Italia, pasi është dënuar nga Gjykata e Torinos me 5 vjet burg.

Bëhet fjalë për Albert Bulcarin, alias Mirash Hani, i cili u prangos në zonën e “Myslym Shyrit”.

Sipas burimeve zyrtare, operacioni u zhvilluar nga Seksioni për Hetimin e Narkotikëve, në bashkëpunim me Interpol Tiranën.

Hani është i dënuar nga drejtësia italiane për veprat penale “Trafikimi i lëndëve narkotike” dhe “Falsifikimi i dokumenteve”. Ai ishte shpallur në kërkim ndërkombëtar nga Interpol Roma, pasi Gjykata e e Apelit në Torino e ka dënuar me 5 vjet, 3 muaj e 7 ditë burg.

Interpol Tirana, në bashkëpunim me Interpol Romën, vijon procedurat për ekstradimin e Hanit drejt Italisë.