Bie në kontakt me energjinë elektrike, vdes elektricisti 45-vjeçar

Një 45-vjeçar ka humbur jetën në mënyrë tragjike në një pallat në ndërtim, pasi ka rënë në kontakt me energjinë elektrike.

Ngjarja tragike ka ndodhur në rrugën ”Kongresi i Manastirit” në kryeqytet, teksa bëhet me dije se 45-vjeçari Sh.H, ishte duke punuar në momentet kur ra në kontakt me elekricitetin.

NJOFTIMI NGA POLICIA

Informacion paraprak:

Më datë 19.12.2020, rreth orës 14:30, në rrugën “Kongresi i Manastirit”, dyshohet se duke punuar në një pallat në ndërtim, ka rënë në kontakt me rrymën elektrike shtetasi Sh.H., rreth moshës 45 vjeç, i cili për pasojë ka ndërruar jetë. Grupi hetimor dhe shërbimet e Policisë ndodhen në vendngjarje dhe vijon puna për sqarimin e rrethanave të ngjarjes.

Materialet iu dërguan Prokurorisë së Rrethit Gjyqësor Tiranë, për veprime të mëtejshme.