BELGJIKË/ Shkatërrohet banda e trafikut së kokainës, sekuestrohen drogë e makina

Shkatërrohet banda e drogës që drejtohej nga disa shqiptarë në Belgjikë.

Mësohet se, në kuadër të këtij aksioni u arrestuan 11 persona, mes tyre 9 janë burra dhe 2 gra, ndërsa nuk dihet ende se sa prej tyre janë shqiptarë.

Megjithatë, mediat e huaja raportojnë se një prej të arrestuarve shqiptarë u plagos rëndë, pasi teksa tentoi t’i shpëtonte policisë. Ai u hodh nga një lartësi e madhe.

Policia ushtroi kontrolle në disa banesa dhe lokale në Grimbergen dhe në Bruksel, ndërsa u sekuestruan 100 mijë euro.

Po ashtu, policia belge tha se u sekuestruan 20 kg kokainë me një vlerë tregu prej një milion euro, si dhe disa makina. Mësohet se ky grup e kishte shtrirë aktivitetin e shitjes së kokainës në Itali dhe në disa vende të tjera të Evropës.