Zaev: Rama e paralajmëroi, tani edhe Maqedonia do preket nga kriza

Kryeministri i Maqedonisë së Veriut, Zoran Zaev ka zhvilluar një konferencë për mediat, ku paralajmëroi qytetarët për rritje të çmimeve për shkak të krizës globale.

Zaev u shpreh se as Maqedonia e Veriut nuk mund të mos prekej nga kjo krizë energjetike, duke theksuar se autoritetet do të marrin të gjitha masat e duhura për të mbrojtur qytetarët.

Ai gjithashtu kujtoi reagimin e kryeministrit Edi Rama, i cili më herët tha se kriza energjike do të prekë Shqipërinë dhe se do të ketë rritje çmimesh.

“Do të kemi krizë. Miku im dhe kolegu im nga Shqipëria Edi Rama ngriti shqetësimin në Shqipëri, tani po paralajmëroj edhe unë. Kriza energjetike do të ndjehet, çmimet janë të larta, por sërish mbetet të presim deri në javët dhe muajt e ardhshëm. të shohim se si do të shkojë situata, por shteti është këtu për t’ju ndihmuar”, ka thënë Zaev.

Share With:
Tags
No Comments

Sorry, the comment form is closed at this time.