Pro bashkimit Shqipëri-Kosovë/ Vuçiç: Deklarata e Ramës, kërcënim

Presidenti i Serbisë, Aleksandar Vuçiç u takua sot në Beograd me Presidentin slloven Borut Pahor.

Pas takimit, të dy dolën në një konferencë për mediat, ku Vuçiç ishte në qendër të vëmendjes nga gazetarët.

I pyetur për deklaratën e kryeministrit Edi Rama gjatë mbledhjes së qeverive Shqipëri-Kosovë për një bashkim të dy vendeve në të ardhmen, Vuçiç u përgjigj se zgjidhja ishte vetëm Bashkimi Evropian.

Sipas tij, integrimi sa më i shpejtë në BE, do të shpëtonte rajonin nga nacionalistët.

“Deklaratat për ndryshimin e kufijve rrezikojnë paqen dhe sigurinë në Ballkanin Perëndimor. E kam thënë shumë herë se kjo e thellon shqetësimin tim. Gjithçka që kemi parë vitet e fundit duhet të shqetësojë të gjithë ata që janë të interesuar për paqen. Përgjigja e vetme për rritjen e nacionalizmit është zgjerimi i BE-së. Edhe Bashkimi Evropian ka përgjegjësi t’i kushtojë shumë më tepër kohë sesa po bën”, tha Presidenti serb.

Dy ditë më parë, në Elbasan, kreu i qeverisë shqiptare Edi Rama tha se bashkimi i Shqipërisë dhe Kosovës do të ndodhte, por u shpreh se nuk e dinte se kur do të ndodhte një gjë e tillë. Ai shtoi që nëse një ditë do të votohej, ai do të ishte pro.

Share With:
Tags
No Comments

Sorry, the comment form is closed at this time.