Mbytet gomonia në ishullin grek/ Dyshohet se kanë vdekur dhjetëra refugjatë

 Autoritetet greke bëjnë me dije se dhjetëra refugjatë kanë mbetur të vdekur pasi një gomone me rreth 50 persona, u mbyt në ishullin Folegandros. Pothuajse 24 orë pasi operacioni i shpëtimit filloi të martën vonë, zyrtarët e rojës bregdetare thanë se nuk kishte gjasa të gjendeshin të mbijetuar.

“Përpjekjet do të vazhdojnë, por në ujërat shumë të ftohta dhe shumë të thella, gjasat për të gjetur dikë të gjallë po pakësohen nga ora në orë”, ka thënë Nikos Kokkalas, zëdhënësi i rojës bregdetare helene, i cili shtoi se, të mërkurën vonë, ekipet e shpëtimit kishin gjetur trupin e vetëm një burri.

Incidenti vjen më pak se pesë ditë pasi zyrtarët e OKB-së për migracionin thanë se 164 persona ishin mbytur në brigjet e Libisë, tani pika dominuese e tranzitit për njerëzit që ikin nga lufta dhe varfëria në Afrikë dhe Lindjen e Mesme.

Share With:
No Comments

Sorry, the comment form is closed at this time.