Kapet shqiptari në Greqi, Mediat: Drejtonte një rrjet të madh të trafikimit

Një trafikant i rrezikshëm shqiptar është arrestuar sot në Greqi. Mediat në Athinë shkruajnë se shqiptari është arrestuar në Voula, mëngjesin e sotëm, pas hetimeve disamujore.

Emri i tij nuk është bërë publik. Forca të shumta greke rrethuan dhe bastisën shtëpinë e tij, duke e arrestuar ndërsa iu gjetën sasi hashashi dhe kokainë, si dhe një pistoletë.

Sipas zyrtarëve të sigurisë, ky është një rast i rëndë pas të cilit qëndron një nga rrjetet më të mëdha të trafikut të drogës në Greqi.