Bosnja dënon me burg ish-ministrin e Sigurimit

Një gjykatë në Bosnje e Hercegovinë dënoi ish-ministrin e Sigurimit, Sadik Ahmetoviq, me gjashtë muaj burgim, për shkak të abuzimit me detyrën.

Gjykata në Sarajevë konstatoi se Ahmetoviq ka shfrytëzuar pozicionin e tij për t’i siguruar punë fiktive një personi, gjë q ka pasur kosto mbi buxhetin e shtetit.

Adnan Bektiq, i cili ka përfituar paga dhe mëditje të paligjshme në periudhën 2011-2012, u urdhërua t’i kthejë shtetit 9,600 dollarë.

Ahmetoviq tha se do ta apelojë vendimin dhe shtoi se rasti kundër tij është i motivuar politikisht.

Ai ka qenë ministër i Sigurimit në Bosnje nga viti 2009 deri më 2012. Për kohë të gjatë, ka qenë anëtar i Partisë së Veprimit Demokratik (SDA), ndërsa në maj të vitit 2017 është përjashtuar nga kjo parti.

Aktualisht, Ahmetoviq është anëtar i partisë së re Blloku i Pavarur./ REL

Share With:
Tags
No Comments

Sorry, the comment form is closed at this time.