Vaksinimi/ Francezët i besojnë më shumë BE-së se sa qeverisë së tyre

Më pak se gjysma e qytetarëve francezë besojnë se qeveria e tyre do të jetë në lartësinë e duhur të detyrës kur bëhet fjalë për vaksinimet kundër koronavirusit, por më shumë ata kanë besim tek BE.

Në një sondazh të Harris Interactive/Euros Agency, vetëm 45 përqind e të anketuarve thanë se kishin besim të shteti francez për të trajtuar vaksinimin, ndërsa 52 përqind thanë se kishin besim tek institucionet e BE-së për këtë çështje.

Qeveria franceze ka qenë nën kritika për fillimin e ngadaltë të fushatës së saj të vaksinimit, duke u renditur ende prapa shumicës së vendeve të BE-së.

Të anketuarit kishin besim shumë më të lartë tek profesionistët shëndetësorë, ku rreth 80 përqind e tyre thanë se u besuan atyre për të trajtuar çështjet e vaksinimit.

Në përgjithësi, të anketuarit n kishin një nivel relativisht të lartë besimi tek autoritetet lokale, me 69 përqind dhe në Organizatën Botërore të Shëndetësisë, me 63 përqind.

Kompanitë farmaceutike gjithashtu dolën më mirë se qeveria, me 50 përqind.

Të pyetur nëse kishin shqetësime në lidhje me fushatën e vaksinimit, 77 përqind e të anketuarve thanë po, me pak ndryshime midis grupmoshave të ndryshme ose prirjeve politike.

Sidoqoftë, niveli i besimit tek institucionet ndryshonte shumë, në varësi të bindjeve politike. Ata që favorizojnë partinë e Macron, La République en Marche dhe partitë e tjera të zakonshme shprehën një nivel shumë më të lartë besimi, krahasuar me votuesit e ekstremit të majtë dhe të djathtës ekstreme. Vetëm 19 përqind e votuesve që anonin nga e djathta ekstreme thanë se i besuan qeverisë për të trajtuar fushatën e vaksinimit.

Sipas “Politiko”, sondazhi në internet u krye midis 26 dhe 28 janar me 1017 persona.