Skandali i korrupsionit në Bruksel, Presidentja e PE-së: Do ta çrrënjosim të keqen 

Presidentja e Parlamentit Evropian, Roberta Metsola u zotua të hënën të nisë një hetim të brendshëm mbi akuzat e lulëzimit të korrupsionit që kanë kapur Brukselin, pas një serie bastisjesh policore që ekspozuan skemat e mundshme të korrupsionit.

Parlamenti Evropian dhe demokracia evropiane janë nën sulm, theksoi kryetarja e PE-së.

“Dhe rruga jonë drejt shoqërive të hapura, të lira, demokratike është nën sulm,” shtoi ajo.

“Ne do ta përballojmë këtë test, nuk do të ketë pandëshkueshmëri”, deklaroi Metsola në seancën e  Parlamentit në Strasburg.

Kanë qenë disa ditë të vështira për Metsolan, pasi ajo u thirr nga vendi i saj, Malta gjatë fundjavës për të mbikëqyrur një kontroll të policisë në pronën e Parlamentit.

Tashmë, eurodeputetë të shquar, si dhe Eva Kaili janë përfshirë në skandalin, i cili prek përpjekjet e mundshme të lobimit të paligjshëm nga Katari dhe ndoshta vende të tjera.

“Ditët më të gjata të karrierës sime”, ka reflektuar Metsola.

“Unë duhet të zgjedh fjalët e mia me kujdes.”

Të hënën, policia e Brukselit nisi një seri të dytë bastisjesh, duke treguar se skandali do të zgjerohej në ditët në vijim.

“Kjo nuk ka të bëjë me të djathtën apo të majtën,” tha Metsola.

“Kjo ka të bëjë me të drejtën dhe të gabuarën, dhe unë do t’ju bëj thirrje t’i rezistoni tundimit për të shfrytëzuar këtë moment për përfitime politike.”

Share With:
No Comments

Sorry, the comment form is closed at this time.