Borrell: Nuk frikësohemi nga kërcënimet e Putinit 

Shefi i politikës së jashtme të BE-së tha se Unioni nuk po merr pjesë vetë në luftë dhe nuk frikësohet nga kërcënimet e Putinit.

Borell, tha në një konferencë shtypi se njoftimi i Putinit – për mobilizimin e pjesshëm të rezervistëve që kanë shërbyer në ushtri dhe kanë “përvojat përkatëse” si kërcënimi për të aneksuar pjesë të territorit ukrainas dhe për përdorimin e armëve bërthamore për të mbrojtur Rusinë – tregon panik dhe dëshpërim.

Mbështetje e vazhdueshme për Ukrainën

Borrell tha për gazetarët se ministrat e Jashtëm të BE-së, që janë duke ndjekur në Nju Jork Asamblenë e Përgjithshme të OKB-së, do të diskutojnë për këtë kërcënim dhe do të përsërisin mbështetjen e vazhdueshme për Ukrainën.

Po ashtu, shefi i politikës së jashtme të BE-së tha se ne “do të paralajmërojnë komunitetin ndërkombëtar për situatën e papranueshme në të cilën Putini po na fut të gjithëve”.

Borrell shtoi se ministrat e Jashtëm të BE-së do të diskutojnë për mbështetjen e vazhdueshme ushtarake për Ukrainën dhe për sanksione të mëtejshme të mundshme ndaj Rusisë.

BE nuk frikësohet

“Është e qartë se Rusia dëshiron të shkatërrojë Ukrainën”, tha Borrell. “Ne nuk do të frikësohemi”, shtoi ai.

Borrell sqaroi se nuk ka në plan të takohet me ministrin e Jashtëm të Rusisë Sergei Lavrov, i cili gjithashtu ndodhet këtë javë në Nju-Jork për Asamblenë e Përgjithshme të OKB-së. /DW

Share With:
No Comments

Sorry, the comment form is closed at this time.