Zgjidhet kryebashkiaku i ri i Nju Jorkut

Demokrati Eric Adams do të jetë kryebashkiaku i ri i Nju Jorkut, bashkisë më të madhe në Shtetet e Bashkuara. Alvin Bragg do të jetë avokati i parë në Manhattan ndërsa Jumaane Williams u rizgjodh avokat publik dhe Brad Lander fitoi garën e kontrollit.

Eric Adams, një ish-kapiten i policisë së qytetit të Nju Jorkut , u zgjodh të martën si kryebashkiaku i 110-të i Nju Jorkut dhe kryetari i dytë me ngjyrë në historinë e qytetit. Sipas The New York Times, fitorja për presidentin e bashkisë Brooklyn, u shpall 10 minuta pasi qendrat e votimit u mbyllën në orën 21:00.

Në festën e fushatës së tij, të mbajtur në New York Marriott në Urën e Brooklyn, pak afër zyrës së tij në Brooklyn Borough Hall, Adams shkoi në skenë plot gjallëri duke u bëri thirrje njujorkezëve të mblidhen së bashku.

“Ne jemi kaq të ndarë tani dhe po na mungon bukuria e diversitetit tonë,”- tha Adams. “Sot ne heqim fanellën intramurale dhe veshim një fanellë: Skuadrën e Nju Jorkut.”- shtoi ai.

Adams, i cili do të marrë detyrën si kryetar bashkie më 1 janar, përballet me një sërë sfidash, ndërsa qyteti më i madh i vendit përballet me pasojat e qëndrueshme të pandemisë, duke përfshirë një rimëkëmbje të pasigurt dhe të pabarabartë ekonomike dhe shqetësime të vazhdueshme për krimin dhe cilësinë e jetës së qytetit.

Share With:
Tags
No Comments

Sorry, the comment form is closed at this time.