Vrau të shoqin që e torturoi, merret vendimi ekstrem për 31-vjeçaren

Torturat dhe rrethanat shtynë 31-vjeçaren turke, Melek Ipek, të qëllonte për vdekje me armë të shoqin e saj, Ramazanin.

Ky i fundit, mbrëmjen e 7 janarit e kishte dhunuar e torturuar me orë të tëra të shoqen, madje e kishte kërcënuar se do e vriste.

E gjendur në këto kushte, Melek mori armën me të cilën i shoqi e kërcënonte dhe e qëlloi atë për vdekje.

Megjithatë, përtej rrethanave, prokuroria ka vendosur ta lërë në burg përjetë të renë.

Mësohet se pas krimit gruaja ka lajmëruar vetë policinë dhe nuk ka bërë aspak rezistencë. Në momentin e arrestimit, policia ka parë të nxirat në të gjithë trupin e Melekut.

Para hetuesve, 31-vjeçarja ka treguar se torturohej vazhdimisht nga bashkëshorti, ndërsa kulmi kishte arritur natën e ngjarjes së rëndë, kur ai e kishte lidhur me pranga duke e kërcënuar se do ta vriste.

“Prej 15 vitesh kemi pasur probleme. Disa vite më parë solli në shtëpi një vajzë tjetër dhe i kam kapur duke u puthur. Kur e pyeta se çfarë ishte duke bërë, filloi të më rrihte. Disa muaj më vonë me lindi vajza dhe unë shkova të rri disa ditë tek nëna ime. Kur u ktheva, e gjeta duke më tradhtuar në krevatin tonë me një grua tjetër. Një natë më parë më tha se donte të ndahej dhe po flisnim se kush do t’i mbante fëmijët. Pasi ata ranë në gjumë filloi të më rrihte, duke më lidhur duart me pranga. Më rrahu vazhdimisht dhe ma vendoste thikën në pjesë të ndryshme të trupit”, mësohet të ketë thënë gruaja.

• 

•