VIDEO/ Shpërthen vullkani ‘Etna’ në Itali, regjistrohen 17 tërmete

Ditën e djeshme ka shpërthyer në Itali, vullkani më i madh dhe aktiv i Evropës, duke “ndezur” te gjithë Siçilinë.

Sipas mediave të huaja, nga krateri i “Etnas” ka dalë llavë dhe hi, duke “ndriçuar” natën e djeshme.

Gjithashtu janë raportuar reshje rëre në fshatra dhe qytete në jug të vullkanit sicilian. Zhurma të forta janë dëgjuar në Kalabri, ndërsa tymi ishte parë duke u drejtuar drejt Katanias.

Në 24 orët e fundit janë regjistruar gjithsej 17 tërmete, duke përcjellë frikë te banorët e zonave të prekura.

Fatmirësisht, deri tani vullkani nuk ka sjellë me vete pasoja fatale, pasi nuk është raportuar asnjë i lënduar apo dëmtime materiale.

“Etna” shpërthen shpesh, për shkak të pozicionit të saj midis pllakave tektonike afrikane dhe euroaziatike, si dhe defektit midis mikroplatës afrikane dhe Joniane.