SHBA, tjetër paketë ndihme për Ukrainën

SHBA do t’i japë Ukrainës 4.5 miliardë dollarë të tjerë.

Kjo e çon mbështetjen e saj totale buxhetore, që kur Rusia nisi pushtimin e saj në shkurt, në 8.5 miliardë dollarë.

Paketa përfshin 1 miliard dollarë për armë – duke përfshirë municione për armë me rreze të gjatë dhe automjete të blinduara të transportit mjekësor, sipas zëdhënësit të Pentagonit, Todd Breasseale.

Banka Botërore vlerëson se 55% e ukrainasve do të jetojnë në varfëri deri në fund të vitit 2023 si rezultat i luftës – krahasuar me 2.5% në fillim të këtij viti, raporton BBC.

Agjencia e SHBA për Zhvillim Ndërkombëtar (USAID) tha se paratë do të ndihmojnë qeverinë ukrainase të mirëmbajë infrastrukturën si shkollat dhe spitalet dhe të ofrojë furnizime humanitare.

USAID shtoi se ishin vendosur masa mbrojtëse të forta për t’u siguruar që paratë të përdoren siç duhet.

Share With:
No Comments

Sorry, the comment form is closed at this time.