SHBA dhe Franca tentojnë të zbusin tensionet. Biden telefonon Macron

Presidenti francez Emmanuel Macron do të dërgojë ambasadorin e vendit në Uashington javën e ardhshme.

Lajmi është bërë i ditur nga zyrtarët francezë dhe amerikanë, pasi të dy vendet kërkuan të rivendosnin marrëdhëniet, pasi një marrëveshje e fshehtë e armëve çoi në një prishje diplomatike.

Në një deklaratë të përbashkët, një shenjë kjo e zbutjes së tensioneve, Biden dhe Macron thanë se kishin folur në telefon të mërkurën dhe ranë dakord të takoheshin personalisht në fund të tetorit. Të dy janë planifikuar të marrin pjesë në Samitin e G-20 në Romë.

Macron tërhoqi ambasadorin Philippe Etienne në Paris ditët pas njoftimit se Shtetet e Bashkuara kishin krijuar një aleancë me Australinë dhe Mbretërinë e Bashkuar dhe kjo do të lejonte Australinë të blinte teknologji bërthamore amerikane të nëndetëseve. Ajo marrëveshje në të vërtetë anuloi një marrëveshje, sipas së cilës, Australia ishte caktuar të blinte anije franceze më pak të afta dhe nxiti zemërimin publik nga zyrtarët francezë.

Një deklaratë e përbashkët nga të dy vendet pas telefonatës të së mërkurës u shpreh keqardhje nga Shtëpia e Bardhë për mënyrën se si u zhvillua ngjarja.

“Të dy udhëheqësit ranë dakord se situata do të kishte përfituar nga konsultimet e hapura midis aleatëve për çështje me interes strategjik për Francën dhe partnerët tanë evropianë”, thuhej në deklaratë.

Shtëpia e Bardhë ka thënë se Biden kërkoi një bisedë për të lehtësuar tensionin e shkaktuar nga njoftimi një javë më parë i marrëveshjes me Australinë dhe Mbretërinë e Bashkuar

Share With:
No Comments

Sorry, the comment form is closed at this time.