Nuk ia del dot me kundërshtarin, boksieri grushton me inat kamerën (Video)

Teksa Lojërat Olimpike po bëhen gjithnjë e më interesante, pasi garat po shkojnë drejt finaleve, një episod jo i bukur është shënuar në boks.

Pas duelit midis boksierit që përfaqëson Britaninë, Frazer Clarke, dhe atij francez Murad Aliev, ky i fundit nuk e ka pranuar humbjen.

Përveç kësaj ai bëri një sjellje aspak sportive, duke u nxehur me arbitrin e më pas goditi me grusht kamerën.

Aliev u nxeh pas vendimit për skualifikim nga gjyqtari, pasi dha disa grushte që në sportin e boksit nuk lejohen.

Si të mos mjaftonte kjo, Aliev, pasi arbitri i ngriti dorën lart Clarke, u drejtua nga kamera duke e goditur disa herë me grushte.

“Të gjithë e panë që unë isha fitues i kësaj ndeshjeje”, shprehej vazhdimisht ai, i zhgënjyer nga largimi nga Olimpiada në këtë mënyrë.

Më poshtë pamjet

Share With:
Tags
No Comments

Sorry, the comment form is closed at this time.