Nëse doni të ardhura më të larta, duhet të keni miq të pasur

Nëse doni të fitoni më shumë para, duhet të keni miq më të pasur se ju. Kjo sepse të qenit miq me ta është një përcaktues shumë i rëndësishëm i të ardhurave tuaja, sipas dy studimeve të reja nga ekonomisti i Harvardit, Raj Chetty.

Chetty dhe ekipi i tij ekzaminuan rrjetet sociale të 72.2 milionë përdoruesve të moshave 25 deri në 44 vjeç për të krijuar tre kategoritë e “kapitalit social”. E para është se sa të lidhur janë njerëzit me të ardhura më të ulëta me njerëzit më të pasur – ajo që quhet “lidhje ekonomike”.

E dyta, është ajo që ata e quajnë “kohezioni social”, i cili mat nëse miqtë brenda rrjetit të atij personi janë miq të ndërsjellë me njëri-tjetrin. E treta është “angazhimi qytetar”, i cili shikon nëse dikush merr pjesë në organizata qytetare si grupet vullnetare, apo u beson atyre.

Studiuesit zbuluan se, nga këto 3 mënyra, e vetmja që në fakt lidhet me lëvizshmërinë ekonomike në rritje është miqësia me njerëz me një status më të lartë socio-ekonomik. Sipas tyre, fëmijët që u rritën në një lagje me fëmijë më të pasur, panë një rritje të të ardhurave mesatarisht me 20%.

Njerëzit me prejardhje më të lartë socio-ekonomike priren të kenë më shumë miq sesa njerëzit që vijnë nga një sfond me të ardhura më të ulëta

Fëmijët që rriten në zona ku ka një shkallë më të lartë miqësie midis njerëzve me status më të ulët dhe të lartë socio-ekonomik “kanë shkallë shumë më të larta të lëvizshmërisë në rritje”. Për shembull, një nga studimet dallon Minneapolis dhe Indianapolis.

Në Minneapolis, njerëzit me një sfond të ulët socio-ekonomik kanë më shumë miqeësi me njerëz me nivele të larta socio-ekonomike, krahasuar me një përqindje shumë më të ulët në Indianapolis. Për shkak të kësaj, fëmijët me të ardhura më të ulëta në Minneapolis fitojnë më shumë para në moshën madhore.

Kur  janë 35 vjeç, ata arrijnë një përqindjeje më të lartë të të ardhurave, duke bërë rreth 34,300 $ krahasuar me 24,700 $ për fëmijët në Indianapolis. Për shembull, njerëzit më të pasur i bëjnë më shumë miqtë e tyre në kolegj, gjë që nuk është e arritshme për shumë njerëz, veçanërisht për amerikanët.

Por edhe në kolegj, amerikanët nga një sfond më i ulët socio-ekonomik kanë më pak gjasa të miqësohen me bashkëmoshatarët e tyre më të pasur, pjesë e asaj që studiuesit e quajnë “paragjykim miqësie”. Ky paragjykim “duket se përcaktohet nga struktura e institucioneve, dhe jo vetëm nga preferencat personale.

Vendet në të cilat njerëzit ndërveprojnë formojnë në një shkallë të madhe, llojet e njerëzve që ata përfundojnë të takohen në miqësi,” tha Chetty. Për shembull, tha Chetty, miqësitë e krijuara në institucionet fetare kanë më shumë gjasa të kalojnë kufijtë e klasës. 

Share With:
No Comments

Sorry, the comment form is closed at this time.