Ligji anti-LGBT/ Von der Leyen kërcënon Hungarinë me sanksione

Presidentja e Komisionit Europian Ursula von der Leyen ka kërcënuar Hungarinë se do të nisë një proces gjyqësor sot nëse vendi nuk tërhiqet nga një ligj që diskriminon anëtarët e komunitetit LGBT, i cili hyn në fuqi nesër.

“Nëse Hungaria nuk e korrigjon këtë gabim, Komisioni do të përdorë kompetencat e tij për të ndëshkuar qeverinë e Orban”, tha ajo përpara Parlamentit Europian, duke e quajtur ligjin hungarez “një turp”.

Brukseli mund të fillojë procedurat për shkelje të ligjit europian, i cili mund të çojë në rekurs në Gjykatën e Drejtësisë të Bashkimit Europian dhe vendosjen e sanksioneve financiare. Komisioni u dërgoi gjithashtu një letër autoriteteve hungareze në fund të qershorit duke i shprehur shqetësimet në lidhje me ligin e miratuar nga Parlamenti Hungarez në 15 qershor.

“Le të jemi të qartë. Ne po i përdorim këto kompetenca te çdo shtet anëtar që shkel ligjin europian”, tha Ursula von der Leyen.

Por përveç ligjit anti-LGBT, mungesa e transparencës në menaxhimin e fondeve europiane nga qeveria e Viktor Orban dhe mungesa e mekanizmave kombëtarë të kontrollit është bërë një situatë shqetësuese për Brukselin.

Share With:
No Comments

Sorry, the comment form is closed at this time.