Italia drejt referendumit për legalizimin e kanabisit

Italia ka mundësi të vendosë nëse do ta legalizojë apo jo kanabisin në një referendum vitin e ardhshëm, pasi grupet e fushatës arritën të mbledhin 500 mijë nënshkrimet e kërkuara në një javë.

Referendumet e kërkuara në Itali mund të thirren nëse janë kryer 500 mijë nënshkrime dhe aktivistët ishin në gjendje të mblidhnin firmat e nevojshme shumë para afatit të 30 shtatorit.

Nëse publiku voton për legalizimin e kanabisit, blerja, shitja dhe kultivimi i drogës do të bëhen të gjitha të ligjshme sipas ligjit italian.

“Më shumë se 500 mijë nënshkrime online në vetëm një javë për “Referendum Cannabis”, kanë shkruar aktivistët në faqen e tyre zyrtare në Facebook.

Konsumimi i kanabisit nuk është ilegal sipas ligjit italian dhe marihuana lejohet për qëllime mjekësore. Sidoqoftë, blerja, shitja dhe kultivimi masiv i barit është i paligjshëm dhe tregtarët mund të përballen me deri në 10 vjet burg nëse shpallen fajtorë.

Kujtojmë se më 8 shtator, Italia legalizoi kultivimin e sasive të vogla të kanabisit për përdorim personal, megjithëse koha maksimale e burgut për shpërndarjen e drogës u rrit nga gjashtë në 10 vjet.

Share With:
No Comments

Sorry, the comment form is closed at this time.