Gjermani/ Shpërthen inceneratori, tymi i zi mbulon qytetin

Një shpërthim i fuqishëm është ndjerë gjatë mëngjesit të së martës në Leverkusen të Gjermanisë.

“Bild” publikoi disa foto dhe video ku duket një re e madhe e zezë. Sipas raportimeve paraprake, bëhet fjalë për një incident në një incenerator të mbetjeve urbane.

Autoritetet u kanë bërë thirrje banorëve që të mbyllin dyert dhe dritaret, ndërsa njerëzit janë paralajmëruar të futen në ambiente të mbyllura sa më shpejt të jetë e mundur për të mos rrezikuar intoksikimin, shkruan A2.

Autostrada që kalon pranë inceneratorit është mbyllur plotësisht për të shmangur kalimin e makinave në zonë.

Share With:
No Comments

Sorry, the comment form is closed at this time.