Gjermani/ Disa fëmijë marrin vaksinë anticovid të pa miratuar

Disa fëmijë në Gjermani u vaksinuan aksidentalisht me një vaksinë kundër coronavirusit që nuk ishte miratuar ende për grupmoshën e tyre.

Sipas ‘DPA’, në një qendër vaksinimi të distriktit Olpe në North Rhine-ëestphalia, disa fëmijëve iu injektua vaksina Moderna.

Ndërkohë që vetëm vaksina e BioNTech është miratuar për fëmijët deri më tani.

“Për ngjarjen janë njoftuar menjëherë prindërit e fëmijëve të prekur”, njoftua autoritetet lokale.

Në një bisedë me drejtorin mjekësor të qendrës së vaksinimit, prindërit u njoftuan se në Agjencinë Evropiane të Barnave ishte ende në pritje miratimi për vaksinën Moderna për fëmijët.

Megjithatë, në momentin e daljes nga qendra e vaksinimit, tek fëmijët nuk u vërejtën ndonjë anomali.

Sidoqoftë, me kërkesë të prindërve, ngjarja është denoncuar në polici.

Numri i fëmijëve të përfshirë nuk u bë i ditur ndërsa qendra e vaksinimit po merr si mundësi gabimin e punonjësit për të rishikuar të gjitha procedurat dhe vaksinimet e fëmijëve.

“Nëse zbulohen raste të tjera, prindërit do të informohen”, është thënë në një njoftim.

Në nëntor, Agjencia Evropiane e Barnave (EMA) dha dritën jeshile për vaksinën BioNTech për fëmijët nga mosha 5 vjeç. Kjo ishte vaksina e parë e miratuar në BE për fëmijët nën 12 vjeç.

Ndryshe, fëmijët marrin vetëm një të tretën e dozës së të rriturve.

Share With:
No Comments

Sorry, the comment form is closed at this time.