Britania do të vaksinojë edhe emigrantët e paligjshëm

Emigrantët e paligjshëm që jetojnë në Britani do të kenë të drejtë të vaksinohen kundër Covid-19.

Njoftimin e dha këtë të hënë qeveria britanike. Sipas saj, ata që jetojnë në Britani dhe kanë hyrë në vend në mënyrë të paligjshme do t’u kërkohet të kontaktojnë mjekun e tyre lokal që të vaksinohen.

“Vaksinat e koronavirusit do t’i jepen çdokujt që jeton në Mbretërinë e Bashkuar falas, pavarësisht nga statusi i qëndrimit të tij”, tha një zëdhënëse e qeverisë.

Britania tashmë u ka dhënë dozën e parë të vaksinës më shumë se 12 milionë njerëzve.