Biden thirrje Kongresit: Miratoni paketë ndihme, ndryshe na pret e ardhme e zymtë

Presidenti i zgjedhur i Shteteve të Bashkuara, Joe Biden, ka thënë se raporti mbi papunësinë në Amerikë tregon se rimëkëmbja ekonomike është duke ngecur dhe i ka bërë thirrje Kongresit që të miratojë Projektligjin për Ndihmë pas krizës së shkaktuar nga pandemia COVID-19.

Sipas Biden, duhet vepruar menjëherë. “Nëse nuk veprojmë tani, e ardhmja do të jetë shumë e zymtë. Amerikanët kanë nevojë për ndihmë dhe ajo ndihmë iu duhet tani”, tha Biden.

Pasi qeveria raportoi më 4 dhjetor për shkallën e papunësisë në muajin nëntor, Biden u tha gazetarëve se ai mbështet një pako prej 908 miliardë dollarësh për COVID-19 që po shqyrtohet në Kongres.

Ai tha se sapo të marrë detyrën do të kërkojë nga Kongresi që të miratojë më shumë pako të ndihmës, duke shtuar se pakoja që po shqyrtohet tashmë është “vetëm fillimi”.

Biden dëshiron që demokratët dhe republikanët në Kongres të miratojnë pako më të mëdha të ndihmës sepse “ata do të përballen me një nevojë të paparë” për këtë gjë.

Ky Projektligj është i dyti përsa i përket ndihmave, pasi pakoja e parë u miratua në muajin mars

Share With:
No Comments

Sorry, the comment form is closed at this time.