Argjentinë/ Zjarret djegin sipërfaqe të mëdha pyjesh në Patagonia

Në rajonin e Patagonisë në jug të Argjentinës vazhdojnë përpjekjet për shuarjen e zjarreve në pyje të cilat kanë qenë efektive prej 20 ditësh.

Më shumë se 200 zjarrfikës po punojnë për të vënë nën kontroll zjarret në Parkun Kombëtar Nahuel Huapi, Alumine dhe Andean Comarca, njofton agjencia kombëtare argjentinase e lajmeve, Telam.

Autoritetet argjentinase thanë se zjarret shkatërruan rreth 4.000 hektarë tokë në Patagoni dhe se deri më tani nuk ka pasur humbje jetësh apo evakuim për shkak të zjarrit.

Në deklaratën nga kryetari i bashkisë, thuhet sipas të dhënave satelitore, në Alumine, që ndodhet në perëndim të shtetit Neuquen dhe në rajonin Cordillera, flakët shkatërruan pyjet halore.

Ministri i Mjedisit dhe Zhvillimit Rajonal të Neuquen, Jorge Lara tha se zjarrfikësit do të fokusohen në reagimin në mënyrën më aktive ndaj zjarreve, pasi priten erëra të forta në rajon.

“Sot duhet të luftojmë me gjithçka sepse nesër era do të shtohet dhe nuk dihet se në cilin drejtim do të fryjë sepse drejtimi i erës ndryshon vazhdimisht”, tha Lara për gazetën “Rio Negro”.

Për të koordinuar përpjekjet lidhur me shuarjen e zjarreve është formuar një “komitet krizash”

Share With:
No Comments

Sorry, the comment form is closed at this time.